إلى الداعين لسحب الثقة .. إنتهت مسرحيتكم الهزيلة

0
5044
ماجد حنا

تكبير الخط

محرر الموقع :

أعداء النجاح لازم يسحبوا الثقه من النقيب سامح عاشور ومجلسه عشان يمنعوهم يعملوا اعمال مفيده للمحامين عشان خايفين من المحامين يمسكوا فى النقيب ومجلسه ولما حد يسال خايفيين من ايه هقولك .

لما المعاش يزيد فى شهر اكتوبر القادم 10 فى المائه وبعد ذلك 5 فى المائه كل سنه يعنى معاش المحامى بعد 3 سنين يزيد الربع ويفضل يزيد زياده دوريه لما يبقى الاف مش عايز اعداء النجاح يقفوا ضد هذا العمل اللى منذ انشاء النقابه عام 1912 لم يحدث.

لما سامح عاشور ومجلسه يتعاقد مع القوات المسلحه لبناء صرح عظيم للمحامين سيخلد اسم عاشور ومجلسه وهيكون مبنى يليق بالمحامين بذمتك ده مش عمل هيفرح المحامين ويخليهم يتمسكوا بعاشور ومجلسه..بعد التعاقد ده مش عايز اعداء النجاح يقفوا ضد هذا العمل .

لما سامح عاشور ومجلسه ينقوا الجدول ويجعلوا المستفيدين من العلاج   هم الممارسين للمهنه ويوفرون من العلاج مبالغ طائله يستفيدوا منها فى المعاش ده مش يزعل اعداء النجاح ويخليهم يسحبوا الثقه عشان النقيب ومجلسه وضع يده على المحراث ولم ينظر الى الوراء وبدا فى العمل الجاد وتنقية الجدول ابتداء بالعلاج الخ.

لما النقيب سامح عاشور فى اول مره منذ انشاء نقابة المحامين يقوم بصرف معاش الدفعه الواحده الذى لايقل عن 25 الف جنيه ويصل الى 100 الف جنيه ده بالاضافه الى المعاش العادى بعدد سنوات الاشتغال الذى سيزيد 10 %فى شهر 1كتوبر القادم ويزيد بعد ذلك5%  ذياده دوريه دون تدخل من مجلس النقابه  بذمتك ده يرضى اعداء النجاح خاصة وان المحامين هيتمسكو بالنقيب والمجلس فلازم يشوفوصرفه تبعد المحامين عن نقيبهم ومجلسهم اللى بيشتغل من اجل المحاماه والمحامين..

لما سقف العلاج يصل الى 20 الف جنيه فى الحالات العاديه ويزيد فى الحالات المستعصيه ولما المحامى  يشترى الادويه بنصف ثمنها حتى مبلغ 6 الاف جنيه بمجرد الروشته ويكون من الادويه المستمره فى العلاج كاالضغط وخلافه يبقى ده مش عمل يزعل اعداء النجاح عشان المحامين هتستفاد    ازاى تستفيد وتمسك فى عاشور ومجلسه ده يخوف اعداء النجاح.

لما الدمغه تبقى الكترونيه وباسم المحامى والنقابه هيسمع عندها ماقام بشرائه المحامى من دمغات وفى اخر العام يتحصل المحامى على نسبة خصم لاتقل عن 5% مش عايز اعداء النجاح يحاربو عاشور ومجلسه لما المحامى بنسبة الخصم يسدد اشتراكه وياخد دمغات جديده ..

لما عاشور يروح يقابل وزيرة التامينات الاجتماعيه ويعطيها كل الفرائض لربط المعاش بالتامين الاجتماعى تفتكر ده ميزعلش اعداء النجاح والمتربصين لانهم خايفيين المحاميين تمسك فى عاشور ومجلسه من اجل حياه افضل للمحامين ..

لما عاشور ومجلسه يعمل للمحامى الكارت الذكى والمحامى يعمل بيه كل حاجه بذمتكم مش يزعل اعداء النجاح ويخليهم متربصين بالنقيب ومجلسه.

لما عاشور يدافع عن المحاميين بقوه وكبرياء ورئيس مصر يعتذر للمحامين حصل قبل كده منذ انشاء النقابه اعتذار؟   لما عاشوريفرج عن محامين ابو كبير شرقيه  ويحبس الضابط فى فراسكور بدمياط مش ده برضه يزعل ويضايق اعداء النجاح ويخليهم يحاربو النقيب ومجلسه عشان المحامين لاتتمسك بهم .

لما عاشور ومجلسه يخليك تتصل برقم تليفون وتجيب قرارك بعد دقائق من اى محكمه ده مش هيزعل اعداء النجاح خاصه وان هذا الرقم سيعود بمبالغ كبيره على النقابه وخدمة للمحامين.

لما عاشور ومجلسه يخلى اى محامى مقيد بالنقابه يستخرج كرنيه اتحاد المحامين العرب بمبلغ زهيد ويتمتع المحامى بكافة انشطة الاتحاد رغم سداد محامىين الدول العربيه للاشتراك بمبلغ كبيره من الدولارات ده الجديد ميزعلش اعداء النجاح ويخليهم يحرضوا المحامين على سحب الثقه من النقيب ومجلسه.

طيب لما عاشور ومجلسه يوزع فى جميع محاكم الجمهوريه مجلة المحاماه فى ثوبها الجديد ده برضه مش يزعل اعداء النجاح اصل سامح عاشور ومجلسه بيشتغلولصالح المحامين والمحاماه ومش هيكلوا ولا يملوا فى خدمه المحامين وخلى اعداء النجاح يتفرجوا ولكن انا بقولكم المحامين مش هتنخدع  بكلامكم عشاء العداء حديث وشخصى ولمصالح شخصيه وكل الناس عارفه .

عشان اللى قولته واللى لسه هقوله نويد سامح عاشور ومجلسه ونتمسك بهم لاستكمال مسيرة النجاح التى بدات ولن تنتهى والى اعداء النجاح اقول كفاكم حقدا كفاكم عرقله لامال وطموحات محامين مصر فانتهت مسرحيتكم الهذيله بالفشل فاقفلوا الستار قبل ان تغلقها عليكم المحامين .

وللحديث بقيه لان الاعمال لاتنتهى

 

 

ماجد حنا

 

 

 

اعلاناتاعلانات نقابة المحامين

اترك رد

من فضلك اترك ردك
من فضلك اكتب اسمك هنا